Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 336 Hüküm no: 422 Orijinal metin no: [69a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Ahmed’in evini istiğlâl yoluyla Mehmed Efendi Vakfı’na sattığı Mahmiye-i Kostantıniyye mahallâtından el-Hâc İsa mahallesinde sâkin olan Süleyman b. Ahmed nâm kimesne meclis-i şer‘-i şerîfte hâzır olup âtiyyü’z-zikr menzilini, merhûm Mehmed Efendi vakfı’na mütevellî olan Şeyh Mehmed Efendi’ye bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla, mezbûr Süleyman’ın işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i mezbûrede vâki‘, bir tarafdan attâr Bâli mülkü, diğer tarafdan Âişe Hâtun bt. Mustafa mülkü ve iki tarafdan da tarîk-i âm ile mahdûd mülk menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt üç bin akçe semen-i mu‘ayyen-i makbûz ile iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr ayın gurresinden üç sene tamâmına bin üç yüz elli akçe ücret ile menzili kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Sonra mahalle-i mezbûrede sâkine olan Kâtibe Hâtun bt. Abdullah, menzil-i mezbûrun derkine ve ücret-i merkūmeye îcâb ve kabûlü hâvî kefâletle kefîl oldu. Cerâ zâlike ve hurrire fî gurreti Şevvâli’l-mükerrem sene seb‘a ve erba‘în ve elf. Şuhûdü’l-hâl: Mehmed Çelebi b. Ramazan, Mustafa Çelebi b. Ömer, Ahmed b. Mehmed, Hüseyin b. ( ) ve gayruhüm