Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 337 Hüküm no: 424 Orijinal metin no: [69a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Niko v. Kosta’nın menzilini Yorgo v. Lanki’ye sattığı Vilâyet-i Rumeli’nde Delvine sancağında Mazaraki kazâsına tâbi‘ Leşviçse nâm karye sâkinlerinden Niko v. Kosta nâm zimmî mahfil-i kazâda râfi‘-i hâze’l-kitâb Yorgo v. Lanki nâm zimmî muvâcehesinde bi tav‘ihî ikrâr ve i‘tirâf edip işbu akdin sudûruna değin silk-i mülk-i sahîhimde münselik olup karye-i mezbûrede vâki‘ bir tarafdan Yani v. Yorgi mülkü ve bir tarafdan Dimo v. Yorgaki ve bir tarafdan Tanaşi v. Şimo mülkü ve taraf-ı râbi‘den tarîk-i âm ile mahdûd bir bâb tahtânî odayı ve bir fevkānî odayı ve ahırı ve zât eşcâr-ı müsmire ve gayr-ı müsmire bahçeyi ve bir dip zeytin ağacını müştemil mülk menzilimi, mezbûr Yorgo’ya fıddî nakd-i râyic fi’l-vakt beş bin akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ edip ol dahi minvâl-i muharrer üzre iştirâ ve kabûl eylediklerinden sonra meblağ-ı mezbûr beş bin akçeyi bi tamâmihî mezbûr Yorgo yedinden ahz ve kabz edip menzil-i mahdûd-ı merkūmu mahallinde zabt ve tasarrufa müşterî-i merkūmu taslît eyledim ba‘de’l-yevm menzil-i mezbûr mülk-i müşterâsı olmuşdur dedikde gıbbe’t-tasdîki’ş-şer‘î vicâhen mâ vaka‘a ketb olundu. Fi’l-yevmi’s-sâmin ve’l-ışrîn min Şevvâli’l-mükerrem li sene seb‘a ve erba‘în ve elf. Şuhûdü’l-hâl: Es-Sâbikūn.