Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 356 Hüküm no: 449 Orijinal metin no: [73b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Abdullah’ın muhâlaa yoluyla boşandığı Medîne-i Hazret-i Ebî Eyyûb el-Ensârî mahallâtından Kızıl Mescid mahallesinde sâkine olan Fâtıma bt. Abdullah nâm hâtun meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzıre olup hâmil-i hâze’l-kitâb Ahras Mehmed b. Hasan nâm zevci ile nikâhı esnâsında ta‘ahhüd edilen râyicü’l-vakt iki bin beş yüz akçe mehr-i müecceli, iddet nafakası ve me’ûnet-i süknâsı kendi üzerine olmak üzre muhâla‘a yapdığını ikrâr ve i‘tirâf etti. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike fi’l-yevmi’s-sâlis min Zilka‘de eş-şerîfe sene seb‘a ve erba‘în ve elf. Şuhûdü’l-hâl: Receb Efendi b. Abdullah, Ali b. Mustafa, Muhzır Yakub b. Kurd, Muhzır Mustafa b. Veli, Mustafa b. Ahmed, Mahmud b. Ahmed,