Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 356 Hüküm no: 450 Orijinal metin no: [73b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yano v. Nikola’nın Dimo v. Seryo’ya borcu olduğu Vilâyet-i Rumeli’nde Avlonya sancağında Poganiye kazâsına tâbi‘ Mesarya nâm karye zimmîlerinden Yano v. Nikola nâm zimmî mahfil-i kazâda işbu râfi‘ü’l-kitâb Dimo v. Seryo nâm zimmî muvâcehesinde ikrâr ve i‘tirâf edip mezbûr Dimo’ya müşterâ ve makbûzum olan ma‘lûmü’l-hudûd menzil ve iki kıt‘a bağ bahâsından iki bin nakd-i râyic fi’l-vakt lâzımü’l-edâ ve vâcibü’l-kazâ akçe zimmetimde deynim vardır dedikde mukırra-i mezbûru cemî‘ ikrâr-ı meşrûhunda el-mukarru lehü’l-merkūm Dimo vicâhen tasdîk ve şifâhen tahkīk etmeğin mâ hüve’l-vâki‘ gıbbe’t-taleb ketb olundu. Tahrîren fi’l-yevmi’r-râbi‘ min Zilka‘deti’ş-şerîfe li sene seb‘a ve erba‘în ve elf. Şuhûdü’l-hâl: Receb Efendi b. Abdi, Mustafa b. Veli, Ali b. Mustafa, Yorgi v. Yani, Yorgi v. Dimo, Anastaş v. Yorgi, Dodo v. Kika.