Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 357 Hüküm no: 452 Orijinal metin no: [74a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Çelebi b. Ömer’in evini istiğlâl yoluyla Mustafa Çavuş Vakfı’na sattığı Medîne-i Hazret-i Ebî Eyyûb el-Ensârî mahallâtından Emir Buhârî mahallesinde sâkin olan Mustafa Çelebi b. Ömer nâm kimesne meclis-i şer‘-i şerîfde hâzır olup âtiyyü’z-zikr menzilini, merhûm Mustafa Çavuş vakfı’na mütevellî olan hâmil-i hâze’l-kitâb Mehmed Halîfe b. Ramazan’a bey‘ ettiğini ikrâr ve i‘tirâf etti. Mütevellî-i mezbûr da vakf-ı merkūm malıyla ve istiğlâl maksadıyla, bâyi‘-i mezbûrun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i mezbûrede kâin olan, bir tarafdan merhûm Yahya Efendi mülkü, diğer tarafdan Şeyh Sefer Efendi vakfı, öteki tarafdan Âişe Hâtun vakfı ve diğer tarafdan da tarîk-i hâs ile mahdûd bulunan cemî‘-i menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt yirmi beş bin beş yüz akçe semen-i mu‘ayyen-i makbûzla iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr ayın gurresinden üç sene tamâmına on bir bin dört yüz yetmiş beş akçe ücret ile menzili kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Cerâ zâlike ve hurrire fî gurreti Şevvâli’l-mükerrem sene seb‘a ve erba‘în ve elf. Şuhûdü’l-hâl: Fahrü’l-müderrisîn Bağdâdî Ahmed Efendi, Hasan Çelebi b. Ahmed Efendi, Ahmed Efendi b. İbrahim, Veli Efendi b. Abdünnebi, Şaban Halîfe b. Kenan, Şeyh Çelebi b. Hüseyin, Ahmed Çelebi b. Mehmed, Şeyh Mehmed Efendi b. Pîrî, Hasan Efendi b. Abdi, Mehmed Çelebi b. İbrahim