Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 364 Hüküm no: 463 Orijinal metin no: [75b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstemad v. Yani’nin eşya davasında Papa Nikola v. Papa Yorgi’yi vekil tayin ettiği Vilâyet-i Rumeli’nde Kurşite kazâsına tâbi‘ Kalavina nâm karye zimmîlerinden olup, hâlâ Havâss-ı Aliyye müzâfâtından Hasköy’de mütemekkin meyhâneci tâifesinden olan İstemad v. Yani nâm zimmî mahfil-i kazâda yine kazâ-i merkūme tâbi‘ Berkoçko nâm karye zimmîlerinden işbu râfi‘ü’l-kitâb Papa Nikola v. Papa Yorgi nâm zimmî muvâcehesinde ikrâr ve takrîr-i kelâm edip mezbûr Papa Nikola’yı karye-i merkūmede sâkine zevce-i mutallakam İstato bt. Papa Yorgi yedinde olup beynimizde evsâfı ma‘lûme eşyâyı da‘vâ ve ahz ve kabz ve bana îsâle ve bunlar mütevakkıf olan umûrun cemî‘ine vekîl ve menâbına nâib nasb ve ta‘yîn ettim. Mezkûr dahi vekâlet-i merkūmeyi kabûl ve hizmet-i lâzımesin ikāmete müte‘ahhid oldu dedikde mukırr-ı merkūmu ikrâr-ı meşrûhunda Merkūm Papa Nikola şifâhen ve vicâhen tasdîk ve tahkīk edicek mâ vaka‘a bi’t-taleb ketb olundu. Tahrîren fi’l-yevmi’s-sânî aşer min Zilka‘deti’ş-şerîfe li sene seb‘a ve erba‘în ve elf. Şuhûdü’l-hâl: Ali b. Mustafa, Mustafa b. Ahmed, Mehmed b. Ahmed, Yakub b. Kurd, Papa Nikola [v.] Mihal, Papa Todori, Minho [v.] Dimo Kiti.