Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 364 Hüküm no: 464 Orijinal metin no: [75b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mumcu Hırso v. Manol ile Bakkal Hacı Yusuf b. Hasan’ın mum alışverişinde sadece birbirleriyle çalışmak üzre anlaştıkları Medîne-i Hazret-i Ebî Eyyûb el-Ensârî -radiye anhu Rabbühü’l-Bârî-’de Mumcu tâifesinden işbu bâ‘isü’l-kitâb Hırso v. Manol nâm zimmî mahfil-i kazâda medîne-i mezbûrede Yenihamam kurbunda bakkal olan el-Hâc Yusuf b. Hasan mahzarında takrîr-i kelâm ve ta‘bîr-i merâm edip ba‘de’l-yevm merkūm el-Hâc Yusuf’un dükkânında ne mikdâr mum bey‘ olunursa ben görüp âhar mumcudan almağa muhtâc etmeyip ol dahi mâdâmki kifâyet mikdârı getürem âhardan almamak üzre mu‘âhede eyledik dedikde merkūm el-Hâc Yusuf vech-i meşrûh üzre mu‘âhede eylediklerini tasdîk etmeğin mâ vaka‘a bi’t-taleb ketb olundu. Tahrîren fi’l-yevmi’l-âşir min Zilka‘deti’ş-şerîfe li sene seb‘a ve erba‘în ve elf. Şuhûdü’l-hâl: Mustafa b. Ahmed, Mustafa b. Veli, Ali b. el-Hâc Mustafa, Yakub b. Kurd, Aleksi v. Mardiros, Lambo v. Dimitri.