Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 230 Hüküm no: 231 Orijinal metin no: [29b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Mehmed Ağa’nın dükkân kirasından Todori v. Nikola’daki alacağını tahsil ettiği Mahmiye-i İstanbul’da Kalenderhâne mahallesinde sâkin el-Hâc Mehmed Ağa b. Süleyman nâm kimesne meclis-i şer‘-i hatîr-i lâzımü’t-tevkīrde bakkal tâifesinden bâ’isü’r-rakīm Todori v. Nikola nâm zimmî muvâcehesinde ikrâr ve takrîr-i kelâm edip merkūm Todori mahmiye-i mezbûrede Acemî Gulâmı meydanı kurbunda vâki‘ ma‘lûmü’l-hudûd mülküm olan bakkal dükkânında beher sene üç bin sekiz yüz akçe icâre ile müste’cir olmağın bin yetmiş senesi rûz-ı Hızırı’ndan bin yetmiş altı senesi rûz-ı Hızırı’na gelinceye değin vech-i meşrûh üzre zikr olunan dükkân ücretini merkūm Todori yedinden tamâmen ahz ve istîfâ eyledim min ba‘d merkūm Todori zimmetinde târih-i mezbûra gelince ücret-i dükkân-ı mezbûrdan bir akçe ve bir habbe hakkım kalmamışdır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâmis min Cumâdelâhire li sene seb‘a ve seb‘în ve elf Şuhûdü’l-hâl: Es-Sâbikūn.