Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 370 Hüküm no: 474 Orijinal metin no: [76b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Efendi b. Hasan’ın Hasan Efendi b. Perviz’de olan alacağını tahsil ettiği Vilâyet-i Rumeli’nde bi’l-fi‘l Kartine kadısı olan Mehmed Efendi b. Hasan tarafından husûs-ı âti’z-zikre vekîl olup hasm-ı câhid mahzarında nehc-i şer‘î üzre vekâleti sâbite olan Abdülkādir Çelebi b. Mehmed Efendi mahfil-i kazâda hâlâ Ferecik kadısı olan Hasan Efendi b. Perviz tarafından meblağ-ı âti’l-beyânı teslîme nehc-i şer‘î üzre sâbitü’l-vekâle vekîl olan mevlânâ Mustafa Efendi b. Derviş mahzarında ikrâr ve i‘tirâf edip müvekkilem mezbûr Mehmed Efendi merkūm Hasan Efendi zimmetinde karz-ı şer‘îden olan on sekiz bin nakd-i râyic fi’l-vakt fıddî akçe hakkını merkūm Mustafa Efendi yedinden bi’t-tamâm ve’l-kemâl ahz ve kabz eyledim dedikde vekîl-i merkūm Mustafa Efendi vicâhen tasdîk ve şifâhen tahkīk etmeğin mâ hüve’l-vâki‘ gıbbe’t-taleb ketb olundu. Fi’l-yevmi’s-sâlis aşer min Zilka‘deti’ş-şerîfe li sene seb‘a ve erba‘în ve elf. Şuhûdü’l-hâl: Fahrü’l-kuzât Mehmed Efendi b. Süleyman, Osman Beşe b. Hüseyin er-Râcil, Ali b. Abdullah, Cafer b. Abdullah, Ali b. Abdi ve gayruhüm.