Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 372 Hüküm no: 478 Orijinal metin no: [77b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sultana bt. Sokinos ile Simon v. İstamo’nun mahkemede evlendikleri Sultana bt. Sokinos nâm Nasrâniye, râfi‘-i hâze’l-kitâb Simon v. İstamo nâm zimmî ile meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzırân olup râyicü’l-vakt bin akçe mehr-i müeccel ile nefsini ana tezvîc eyledi zimmî-i mezbûr da zeyl-i kitâbda isimleri muharrer şuhûd mahzarında vech-i meşrûh üzre ana tezevvüc eyledi. İşbu nikâh, mevâni‘-i şer‘iyyeden ri‘âyeti lâzım gelen husûsâta ri‘âyet edilmesinden sonra kıyıldı. Cerâ zâlike ve hurrire fi’l-yevmi’s-sâlis aşere min Zilka‘de eş-şerîfe sene seb‘a ve erba‘în ve elf. Şuhûdü’l-hâl: Mehmed b. Mustafa, Mustafa b. Mehmed, Mahmud b. Ahmed, Mustafa b. Ahmed, Ali b. Mustafa, Yakub b. Kurt, Mustafa b. Mehmed