Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 392 Hüküm no: 503 Orijinal metin no: [82b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Atenasti v. Andriye’nin bağını Dimo v. Foti’ye sattığı Atenasti v. Andriye nâm zimmî meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzır olup âtiyyü’z-zikr üzüm bağını hâmil-i hâze’l-kitâb Dimo v. Foti nâm zimmîye bey‘ ettiğini ikrâr ve i‘tirâf etti. Zimmî-i mezbûr da bâyi‘-i mezbûrun işbu akdin kendilerinden sudûruna kadar sâhibi ve mâliki olduğu elinde ve taht-ı tasarrufunda bulundurduğu kazâ-i Havâss-ı Aliyye tevâbi‘inden Emras nâm karyede kâin bulunan bir tarafdan Hristo v. Andriye bağı, diğer tarafdan vâdi, iki tarafdan da tarîk-i âm ile mahdûd olan üç tarla ve iki nişandan ibâret bağını cümle tevâbi‘ ve levâhıkı ile râyicü’l-vakt üç bin akçe semen-i mu‘ayyen-i makbûzla iştirâ etti. Îcâb, kabûl ve teslîm tesellümle akid tamâm oldu. Tasdîk hakkı sâhibince, vâki‘ ikrâr tasdîk edildi. Cerâ zâlike ve hurrire fi’l-yevmi’s-sâdis ve’l-ışrîn min Zilka‘de eş-şerîfe sene seb‘a ve erba‘în ve elf. Şuhûdü’l-hâl: Mustafa b. Mehmed, Receb Efendi b. Abdi, Ali b. Bekrî, Mustafa b. Veli, Nikola [v.] Yorgaki, Hristo v. Panayot, Armağa [v.] Dini, Ali b. Mustafa, Ahmed Efendi b. Mehmed, Panayot v. Niko, Yani [v.] Komrima, Yani [v.] Zoka, Yorgo [v.] Karakaş, Hristo [v.] Andriye.