Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 394 Hüküm no: 508 Orijinal metin no: [83a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Memi b. Murad’ın Kiti’ye borcunu ödemesi Ekmekçi tâifesinden Kiti nâm zimmî meclis-i şer‘de Memi b. Murad nâm kimesneyi ihzâr ve mahzarında üzerine da‘vâ edip mezbûr Memi’ye füruht ediver deyû verdiğim ekmek bahâsından yedinde iki bin beş yüz elli akçe hakkım vardır. Suâl olunup alıverilmek matlûbumdur dedikde gıbbe’s-suâl mezbûr Memi ikrâr ile cevâb vermeğin ikrârı mûcebince meblağ-ı mezbûru merkūm Kiti’ye def‘ ile tenbîh birle mâ vaka‘a bi’t-taleb ketb olundu. Tahrîren fi’l-yevmi’s-sâdis ve’l-ışrîn min Zilka‘deti’ş-şerîfe li sene seb‘a ve erba‘în ve elf. Şuhûdü’l-hâl: Ali b. Hasan Hüseyin, Mustafa Beşe b. Mahmud Çukadâr, Siyâmi Efendi b. Tahir, Yakub b. Kurd, Mustafa b. Veli, Mustafa b. Ahmed ve gayruhüm.