Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 232 Hüküm no: 235 Orijinal metin no: [30a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud Beşe b. Abdullah’ın câriyesi Mülâyim bt. Abdullah’ı âzat ettiği Dârü’l-hilâfeti’l-aliyye Kostantıniyye el-mahmiyye’de Kırkçeşme kurbunda Sekbânbaşı İbrahim Ağa mahallesi sâkinlerinden Mahmud Beşe b. Abdullah nâm kimesne meclis-i şer‘-i şerîf-i şâmihü’l-imâd ve mahfil-i dîn-i münîf-i râsihü’l-evtâdda tav‘an ve rağbeten ikrâr ve takrîr-i kelâm edip bana rıkkıyyetini mu‘terife olan açık sarı kaşlı, gök gözlü, orta boylu Rûsiyyetü’l-asl Mülâyim bt. Abdullah nâm câriye-i memlûkeyi hasbeten lillâhi te‘âlâ ve taleben li merzâti’r-Rabbi’l-a‘lâ tahrîr ve i‘tâk ve zümre-i harâir-i asliyyâta ilhâk eyledim ba‘de’l-yevm mevsûfe-i mezbûre Mülâyim sâir harâir-i asliyyât gibi hürre olup üzerinde mevâlî için sâbit hakk-ı velâ-i şer‘îden gayrı hak ve alâkam kalmadı dedikde mâ hüve’l-vâki‘ bi’t-taleb ketb olundu. Fi’l-yevmi’r-râbi‘ min Cumâdelâhire li sene 1077. Şuhûdü’l-hâl: Hasan Beşe b. Oruc, Mehmed Çelebi b. Osman, el-Hâc Bâli b. Veli, Veli Beşe b. Ali, Mehmed Çelebi.