Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 233 Hüküm no: 236 Orijinal metin no: [30a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühani bt. Hüseyin’in boşandığı kocası İbrahim Çelebi’deki alacaklarını tahsil ettiği Mahmiye-i İstanbul’da Hoca Hayreddin mahallesinde sâkine Ümmühâni bt. Hüseyin nâm hâtun meclis-i şer‘-i hatîr-i lâzımü’t-tevkīrde zevc-i mutallıkı işbu bâ‘isü’l-kitâb İbrahim Çelebi b. Abdullah nâm kimesne mahzarında ikrâr ve takrîr-i kelâm edip zevcim mezbûr İbrahim Çelebi beni tatlîk etmeğin zimmetinde mütekarrir ve ma‘kūdun-aleyh olan yedi esedî guruş ile bir zolota guruş mehr-i müeccelimi ve üç aylık nafaka-i iddet-i ma‘lûmem için ta‘yîn olunan dört yüz elli akçe nafaka-i iddet-i ma‘lûmemi zevcim mezbûr İbrahim Çelebi yedinden hâlâ meclis-i şer‘de bi’t-tamâm ahz u kabz eyledim dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâdis min Cumâdelâhire li sene seb‘a ve seb‘în ve elf. Şuhûdü’l-hâl: Mehmed Çelebi b. Abdullah, Abdi Çelebi b. Hüseyin, Şükrullah Bey b. Mustafa, İbrahim Çelebi b. Ahmed.