Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 399 Hüküm no: 516 Orijinal metin no: [84a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Pavlo v. Todori’nin Ali Çelebi b. Mustafa’ya olan borcunu ödemesi Zümre-i râcilînden Ali Çelebi b. Mustafa mahfil-i kazâda Pavlo v. Todori nâm zimmî muvâcehesinde üzerine da‘vâ ve takrîr-i kelâm edip mezbûr Pavlo zimmetinde cihet-i karz-ı şer‘îden üç bin beş yüz nakd-i râyic fi’l-vakt fıddî akçe hakkım olup meblağ-ı mezbûrun sekiz yüz akçesi ahz ve kabz edip zimmetinde iki bin yedi yüz akçe hakkım bâkī kalmışdır suâl olunup edâsına tenbîh olunması matlûbumdur dedikde gıbbe’s-suâl mezbûr Pavlo müdde‘î-i mezbûre cihet-i karz-ı şer‘îden zimmetinde iki bin yedi yüz akçe lâzımü’l-edâ ve vâcibü’l-kazâ deyni olduğunu bi’t-tav‘i’s-sâf ikrâr ve i‘tirâf etmeğin mûcebiyle edâsına tenbîh olunup, mâ hüve’l-vâki‘ gıbbe’t-taleb ketb olundu. Fî selhi Zilka‘deti’ş-şerîfe sene 1047. Şuhûdü’l-hâl: Abdullah b. Abdullah, Receb Efendi b. Abdi, Mustafa Beşe b. Mehmed, Ali b. Mustafa ve gayruhüm.