Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 401 Hüküm no: 521 Orijinal metin no: [84b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. Hacı Sâlih’in mehir talebinin reddi Medîne-i Hazret-i Ebî Eyyûb el-Ensârî -aleyhi rahmetü’l-Bârî- mahallâtından Davud Ağa mahallesi sâkinlerinden Şaban b. Abdullah nâm kimesne meclis-i şer‘a zevce-i mübânesi olan Âişe bt. el-Hâc Sâlih nâm hâtun ihzâr mahzarında takrîr-i kelâm edip mezbûre Âişe bundan akdem benim ile meclis-i şer‘de üç bin akçe mehr-i müecceli üzerine hul‘ olmuş iken yine mehr-i mezbûr talebiyle beni rencîde etmekden hâliye değildir suâl olunup takrîri tahrîr olundukdan sonra men‘ olunmak taleb ederin dedikde gıbbe’s-suâl mezbûr Âişe hul‘-i mezbûru mukırra olmağın mehr-i mezbûr mütâlebesiyle mezbûr Şaban’ı rencîdeden men‘ birle mâ vaka‘a bi’t-taleb ketb olundu. Tahrîren fi’l-yevmi’t-tâsi‘ ve’l-ışrîn min Zilka‘deti’ş-şerîfe li sene seb‘a ve erba‘în ve elf. Şuhûdü’l-hâl: Receb Efendi b. Abdi, Mustafa b. Mehmed, Yakub b. Kurt, Mustafa b. Mehmed, Mustafa b. Veli, Mehmed b. Rıdvan, Mustafa Beşe b. Mahmud.