Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 410 Hüküm no: 534 Orijinal metin no: [85a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rüstem b. Ahmed’in tarlalarını Göka’nın oğulları Kika ve Yanoş’a devrettiği Vilâyet-i Rumeli’nde Premedi kazâsına tâbi‘ Orgarilos nâm karyede Rüstem b. Ahmed nâm kimesne işbu râfi‘ü’l-kitâb Kika ve Yanoş veledey Göka nâm zimmîler muvâcehesinde ikrâr edip karye-i mezbûre sınırında mutasarrıf olduğum bayır yerinde hudûdu beynimizde ma‘lûm sekiz kıt‘a tarlalarımın hakk-ı tasarrufunu nakd-i râyic fi’l-vakt fıddî akçe mukābelesinde sâhib-i arz ma‘rifetiyle mezbûrân üzerine tefvîz eyledim mezbûrlar dahi ale’l-iştirâki’s-seviy tefevvuz ve kabûl eylediklerinden sonra yedlerinden meblağ-ı mezbûru bi’t-tamâm ahz ve kabz eyledim dedikde gıbbe’t-tasdîki’ş-şer‘î vicâhen ve şifâhen tahkīk etmeğin mâ hüve’l-vâki‘ gıbbe’t-taleb ketb olundu. Tahrîren fî gurreti Zilhicceti’l-harâm li sene seb‘a ve erba‘în ve elf. Min hicretin men lehü’ş-şeref ve’l-[izz]. Şuhûdü’l-hâl: Es-Sâbikūn.