Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 426 Hüküm no: 560 Orijinal metin no: [89a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud b. Mehmed’in arazisini Mustafa b. Ahmed’e sattığı Mahmud b. Mehmed nâm kimesne meclis-i şerîfde -el-masûn ani’t-tağyîr ve’t-tahrîf- hâzır olup âtiyyü’z-zikr arâzisini râfi‘-i hâze’l-kitâb Mustafa b. Ahmed’e bey‘-i bâtt-ı sahîh ile bey‘ ettiğini ikrâr ve i‘tirâf etti. Müşterî-i merkūm da kendi malıyla ve kendisi için, mezbûr Mahmud’un işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu kazâ-i Havâss-ı Aliyye tevâbi‘inden (…) köyünde kâin olan, bir tarafdan Çorbacı Hasan mülkü, diğer tarafdan Belkıs Hâtun mülkü, iki tarafdan da karye-i mezbûre mer‘asınca mahdûd olan arâzi-i hâliyesini râyicü’l-vakt üç yüz akçe semen-i mu‘ayyen-i makbûz ile iştirâ etti. Îcâb kabûl, teslîm tesellümle bey‘-i bâtt-ı sahîh tamâm oldu. Müşterî-i mezbûr vâki‘ ikrârı vicâhen tasdîk etti. Cerâ zâlike ve hurrire fi’l-yevmi’s-sâlis aşere min Zilhicceti’l-harâm sene seb‘a ve erba‘în ve elf. Şuhûdü’l-hâl: Hüseyin Çelebi b. Bayram, Mustafa b. et-Tavîl, Davud b. Abdullah, Hüseyin b. Abdullah, Yakub b. Kurt, Mustafa b. Mehmed, Veli b. ( ) ve gayruhüm