Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 236 Hüküm no: 240 Orijinal metin no: [30b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Veli b. Osman’ın terekesi davasında karısı Ümmühani ile kızı Âlime’nin anlaştıkları Mahmiye-i İstanbul’da Uzun Yusuf mahallesinde sâkin iken bundan akdem vefât eden Veli b. Osman’ın verâseti zevce-i metrûkesi Ümmühâni bt. Mehmed ile sulbiye kebîre kızı Âlime’ye ve oğlunun oğlu Abdullah b. Osman’a münhasıra olduğu şer‘an müte‘ayyin oldukdan [sonra] mezbûre Âlime meclis-i şer‘-i şerîf-i lâzımü’t-teşrîfde tereke-i müteveffâ-yı mezbûra vâzı‘atü’l-yed olan işbu bâ‘isetü’l-kitâb mezbûre Ümmühâni mahzarında ikrâr ve takrîr-i kelâm edip tereke-i müteveffâ-yı mezbûrdan sekiz sehimden dört sehim hissem mukābelesinde şerâitini hâvî ve da‘vâ eylediğimde bi tarîki’t-tehârüci’ş-şer‘î mezbûr Ümmühâni ile üç bin yedi yüz altmış akçe üzerine sulh olup bedel-i sulh olan meblağ-ı mezbûr üç bin yedi yüz altmış akçeyi mezbûre Ümmühâni yedinden tamâmen ahz u kabz edip tereke-i müteveffâ-yı mezbûra müte‘allika âmme da‘vâdan mezbûre Ümmühâni’yi ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâmis min Cumâdelâhire li sene 1077. Şuhûdü’l-hâl: ( ).