Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 427 Hüküm no: 562 Orijinal metin no: [89b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Beşe b. Mustafa’nın Beşir Bey b. Ahmed’deki alacak talebi için yemin ettiği Vilâyet-i Rumeli’nde Filorina kazâsına tâbi‘ Çelciler nâm karye sâkinlerinden Hüseyin Beşe b. Mustafa nâm râcil meclis-i şer‘a işbu râfi‘ü’l-kitâb Beşer Bey b. Ahmed nâm kimesneyi ihzâr ve mahzarında üzerine da‘vâ edip mezbûr Beşir Bey târih-i kitâbdan altı sene mukaddem karye-i mezbûrede beni bi gayr-ı vech-i şer‘î ahz ve haps edip beş [yüz] altmış akçe kıymetli iki kırmızı kilim ve dört yüz akçe kıymetli bir tabanca tüfengim bi gayrı hakkın gasben ahz etmişdir, şer‘an suâl olunup ihkāk-ı hak olunması matlûbumdur dedikde gıbbe’s-suâl ve’l-inkâr müdde‘î-i mezbûr Hüseyin Beşe’nin müdde‘âsına mutâbıka beyyine taleb olundukda ityân-ı beyyineden izhâr-ı acz edip gıbbe’l-istihlâf yemîn teklîf olundukda, ol dahi alâ vefki’l-mes’ûl yemîn billâhi’l-aliyyi’l-azîm etmeğin mâ vaka‘a gıbbe’t-taleb ketb olundu. Tahrîren fi’l-yevmi’t-tâsi‘ min Zilhicceti’l-harâm li sene seb‘a ve erba‘în ve elf. Şuhûdü’l-hâl: Ali b. Mustafa, Yakub b. Kurd, Mustafa b. Ahmed, Mahmud b. Ahmed, Ali Çelebi b. Mustafa.