Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 430 Hüküm no: 567 Orijinal metin no: [89(2)a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Mehmed b. Hacı Hasan’ın Mehmed Çelebi b. Mehmed’deki alacağını alıp evin rehnini kaldırdığı el-Hâc Mehmed b. el-Hâc Hasan nâm kimesne mahfil-i kazâda işbu râfi‘ü’l-kitâb Mehmed Çelebi b. Mehmed mahzarında ikrâr ve takrîr-i kelâm edip mezbûr Mehmed Çelebi zimmetinde cihet-i karzdan on iki bin akçe ve müşterâ ve makbûz çuka bahâsından dahi bin sekiz yüz akçe ki cem‘an on üç bin sekiz yüz akçe hakkımı bi’t-tamâm yedinden ahz ve kabz edip meblağ-ı mezbûr mukābelesinde medîne-i hazret-i Ebî Eyyûb el-Ensârî mahallâtından Kızıl Mescid mahallesinde vâki‘ beynimizde ma‘lûmü’l-hudûd olup rehn-i makbûzum olan mülk menzilini fekk-i rehn edip kendiye teslîm eyledim ol dahi kabz ve tesellüm eyledi dedikde gıbbe’t-tasdîki’ş-şer‘î vicâhen mâ vaka‘a bi’t-taleb ketb olundu. Fi’l-yevmi’r-râbi‘ aşer min Zilhicceti’l-harâm li sene seb‘a ve erba‘în ve elf. Şuhûdü’l-hâl: Mustafa Efendi b. Ali el-İmâm, el-Hâc Mustafa b. Veli, Mehmed Çelebi b. Şaban er-Râcil, Abdullah b. İbrahim.