Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 432 Hüküm no: 572 Orijinal metin no: [89(2)b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gevher Hatun bt. Mehmed’in boşandığı eşi Hasan b. Osman’la hiçbir davası kalmadığı Mahmiye-i Galata müzâfâtından kasaba-i Kasımpaşa mahallâtından Vardiyanbaşı mahallesi sâkinelerinden Gevher Hâtun bt. Mehmed meclis-i şer‘-i hatîr-i lâzımü’t-tevkīrde zevc-i mutallıkı olan işbu hâmilü’l-kitâb Hasan b. Osman mahzarında bi tav‘ihâ ikrâr ve takrîr-i kelâm edip mezbûr Hasan zimmetinde mütekarrir olan bin beş yüz akçe mehr-i müeccelim mezbûr Hasan yedinden bi’t-tamâm ve’l-kemâl ahz ve kabz edip zevciyyete müte‘allik da‘vâdan zimmetini ibrâ ve iskāt eyledim dedikde mukırra-i mezbûre Gevher’in minvâl-i muharrer üzerine cârî ve sâdır olan ikrârı el-mukarru lehü’l-merkūm Hasan vicâhen tasdîk ve şifâhen tahkīk etmeğin mâ vaka‘a bi’t-taleb ketb olundu. Tahrîren fi’l-yevmi’s-sâdis aşer Zilhicceti’l-harâm li sene seb‘a ve erba‘în ve elf. Şuhûdü’l-hâl: İbrahim b. Osman, Mustafa Beşe b. Mahmud, Ahmed b. Bayram, Yakub b. Kurd, Mustafa b. Ahmed, Mahmud b. Mehmed, Mustafa b. Veli.