Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 433 Hüküm no: 573 Orijinal metin no: [90a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sefer Beşe b. Hasan’ın eşi Peymâne bt. Abdullah’a olan borcu için evini rehin bıraktığı Havâss-ı Refî‘a kazâsı müzâfâtından Terkos nâhiyesine tâbi‘ Kurdköyü demekle ma‘rûfe karye sâkinlerinden Sefer Beşe b. Hasan nâm râcil meclis-i şer‘-i hatîr-i lâzımü’t-tevkīrde işbu hâmilü’l-kitâb zevcesi Peymâne bt. Abdullah nâm hâtun mahzarında bi’t-tav‘i’s-sâf ikrâr ve i‘tirâf edip zevcem mezbûre Peymâne’ye zimmetinde karz-ı şer‘îden dört bin akçe deynim olup meblağ-ı mezbûr mukābelesinde karye-i mezbûrede vâki‘ iki tarafdan Derviş Çavuş mülkü ve iki tarafdan tarîk-i âm ile mahdûd bir bâb tahtânî çatma mülk menzilimi, cümle tevâbi‘ ve levâhıkı ile mezbûre Peymâne’ye rehin vaz‘ edip teslîm eyledim ol dahi irtihân ve kabz ve tesellüm eyledi dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâdis aşer min Zilhicceti’l-harâm li sene seb‘a ve erba‘în ve elf. Şuhûdü’l-hâl: Mustafa Çelebi b. ( ) el-Hammâmî, Ali Beşe b. Eyüb Ded[e] Mehmed Beşe b. ( ) er-Râcil, Odabaşı Mehmed, Ahmed b. Bayram, Mustafa Efendi el-İmâm ve gayruhüm.