Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 436 Hüküm no: 578 Orijinal metin no: [90b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Ali’nin evini istiğlâl yoluyla İsmi Hatun Vakfı’na sattığı Medîne-i Hazret-i Ebî Eyyûb el-Ensârî -radiye anhu Rabbühü’l-Bârî-mahallâtından Baba Haydar mahallesinde sâkin olan Süleyman b. Ali nâm kimesne meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzır olup âtiyyü’z-zikr menzilini İsmi Hâtun vakfı’na mütevellî olan Yusuf Bey b. Abdullah kıbelinden iştirâya vekâleti Mehmed Bey b. Receb ve Hüseyin b. Mehmed nâm kimesnelerin şehâdetleri ile sâbit olan hâmil-i hâze’l-kitâb el-Hâc Hasan b. Mustafa’ya bey‘ ettiğini ikrâr ve i‘tirâf etti. Vekîl-i mezbûr da vekâlet-i mahkiyesi hasebiyle, vakf-ı mezbûr malıyla ve istiğlâl maksadıyla, mezbûr Süleyman’ın işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i mezbûrede vâki‘ olup bir tarafdan Mehmed Çelebi mülkü, diğer tarafdan Nasuh Bey vakfı, öteki tarafdan Mihri Hâtun mülkü ve diğer tarafdan da tarîk-i âm ile mahdûd bulunan cemî‘-i menzili cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt on bin akçe semen-i mu‘ayyen-i makbûz ile bi’l-vekâle iştirâ etti. Bâyi‘-i mezbûrun menzili kirâlamak istemesi üzerine vekîl-i merkūm, ba‘de’t-tahliyye ve’t-tekābuz zeylde mezkûr târihden bir sene tamâmına bin akçe ücret ile menzili kirâya verdi. Vâki‘ ikrâr, tasdîk hakkı sâhibince vicâhen ve şifâhen tasdîk edildi. Cerâ zâlike ve hurrire fi’l-yevmi’s-sâbi‘ aşer min Zilhicceti’l-harâm sene seb‘a ve erba‘în ve elf. Şuhûdü’l-hâl: İmâm Hasan Efendi b. Abdi, Ali Dede b. Musa, Mustafa b. Abdullah, Mahmud b. Abdullah, Ali b. Mustafa ve gayruhüm