Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 454 Hüküm no: 602 Orijinal metin no: [96a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Beşe b. Yakub’un Mustafa b. Mehmed’e borcunu ödemesi Havâss-ı Aliyye kazâsı müzâfâtından Hasköy’de el-Hâc Şaban mahallesi sâkinlerinden Mustafa b. Mehmed nâm kimesne meclis-i şer‘a Mehmed Beşe b. Yakub nâm kimesneyi ihzâr ve mahzarında üzerine da‘vâ edip mezbûr Mehmed Beşe zimmetinde beynimizde vasfı ilm-i şer‘î ile ma‘lûm müşterâ ve makbûzu olan on altı re’s kara sığır ineği bahâsından on altı bin iki yüz akçe hakkım vardır. Suâl olunup alıverilmek matlûbumdur dedikde gıbbe’s-suâl mezbûr Mehmed Beşe cevâbında, fi’l-vâki‘ müdde‘î-i mezbûr Mustafa’ya cihet-i mezbûreden altı bin iki yüz akçe deynimiz vardır deyû ikrâr ile cevâb vermeğin mûcebince edâsına tenbîh olunup mâ vaka‘a bi’t-taleb ketb olundu. Tahrîren fi’l-yevmi’s-sâlis aşer min Zilhicceti’l-harâm li sene seb‘a ve erba‘în ve elf. Şuhûdü’l-hâl: Halil Efendi b. Zülfikār, Mustafa Beşe b. Mehmed, Hüseyin b. Yusuf, Mustafa b. Veli, Ahmed b. Bayram, Mahmud b. Ahmed, Yakub b. Kurd.