Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 52 Hüküm no: 9 Orijinal metin no: [2b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühâni Hâtun bt. Ali ile kocası İbrahim b. Hamza’nın muhâlaa ile boşandıkları Medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Emir Buhârî mahallesinde sâkine Ümmühâni Hâtun bt. Ali nâm hâtun meclis-i şer‘-i şerîfde -Allahü te‘âlâ tağyîr ve tahrîfden korusun- hâzır olup zevci hâmil-i hâze’l-kitâb İbrahim b. Hamza ile muhâla‘a oldukda ol dahi onunla nikâhlarında ma‘kūdun aleyh olan kadri ve nisâbı bin dirhem fıddî cedîd ceyyid râyic fi’l-vakt mehr-i müecceli ile nafaka-i iddeti ve me’ûnet-i süknâsı üzerine muhâla‘a-i sahîha-i şer‘iyye ile muhâla‘a oldukda akd-i cedîd ve sadâk-ı müste’nef olmaksızın kendisine helâl olmamak üzre bâyin oldukdan sonra her biri âharın zimmetini umûmen cemî‘ de‘âvî ve mütâlebât ve muhâsamâtdan ve husûsan zevciyyete müte‘allika olan de‘âvîden ibrâ-i âmm-ı kātı‘ü’n-nizâ‘ ve râfi‘ün li’l-husûmet ile ibrâ ettiler. Cerâ zâlike ve hurrire fî selhi şehri Rebî‘ilevvel li sene erba‘a ve hamsîn ve elf. Şuhûdü’l-hâl: Murtaza Halîfe b. Mehmed el-İmâm, Mehmed Halîfe b. Ramazan el-İmâm, el-Hâc Ahmed Beşe Çukadâr, Ali Beşe b. Mustafa, İbrahim Çelebi b. Mustafa ve gayruhüm mine’l-huzzâr