Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 77 Hüküm no: 44 Orijinal metin no: [9b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Mehmed’in Bâli Hâce Vakfı’na mütevellî olarak tayin edildiği Bu bir hüccet-i sahîha-i şer‘iyyetü’l-usûl ve’l-me‘ânî ve vesîka-i enîka-i mer‘iyyetü’l-elfâz ve’l-mebânîdir ki nûr-ı şer‘ ile içindekiler aydınlanır ve hükmün doğruluğuna şer‘îliği delil olur, açık beyân ve lisân-ı fasîh ile mazmûn-ı sahîhiyle amel olunur ve onda olanın zikri ile gizlenmiş olan binâ olunur ki, hâkimü’l-câsim el-âlimü’n-nihrîr ve ve’l-fâzılu’s-semîd ani’l-hatîr -tûbâ lehû ve hüsnü me’âb mede’d-duhûr ve’l-ahkâb mette‘anallâhu bi-tûli bekā’ihî ilâ yevmi’l-hesâb- tevkī‘-i şerîf-i müstetâbıyla üzeri muvakka‘ olan bu kitâb ile râfi‘-i hâze’l-kitâb Mehmed Halîfe b. Mehmed nâm kimesneyi medîne-i Ebâ Eyyûb el-Ensârî -radiye anhu Rabbühü’l-Bârî-’de vâki‘ Bâli Hâce vakfı’na elân elinde mazbût bulunan vakfiye-i ma‘mûlün bihâsında mastûr olan kadri ve nisâbı üç dirhem-i fıddî râyic fi’l-vakt akçe vazîfe-i mu‘ayyene ile mütevellî nasb ettikde ol dahi tevliyyet-i merkūmeyi kabûl ve umûrunu ikāme etmeyi mültezim olmağın nasb ve kabûl-i sahîhayn-i şer‘iyyeyn [kayd olundu]. Cerâ zâlike fi’l-yevmi’l-mübârek es-sâlis ve’l-ışrîn min Saferi’l-hayr li sene erba‘a ve hamsîn ve elf. Şuhûdü’l-hâl: Halil Hâce b. ( ) el-Müezzin, Receb Efendi b. Abdi, Ali Beşe b. Mustafa, Hüseyin Çelebi b. Ali, İbrahim Çelebi b. Mustafa, Bayram Sofu b. Mehmed, Baba Süleyman b. Turgud