Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 83 Hüküm no: 54 Orijinal metin no: [11a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hırsevenon v. Paskal’ın zimmetinde Ayastefanos köyü zimmîlerine borcu olduğunu ikrâr ettiği Havâss-ı Aliyye kazâsı tevâbi‘inden Ayastefanos nâm karyeden Yazıcıoğlu Hırsonos v. Paskal mahfil-i kazâda karye-i mezbûreden işbu râfi‘ü’l-vesîka Papa Delpar v. Dimo ve Apostol v. Yorgi ve Yorgi v. Madramanos ve sâirleri mahzarlarında bi’t-tav‘ ve’l-ihtiyâr lâ an kerhin ve icbâr i‘tirâf ve ikrâr edip karye-i mezbûre zimmîlerine cihet-i deyn-i şer‘îden zimmetimde lâzımü’l-edâ ve lâzımü’l-kazâ on altı bin beş yüz ceyyid ve cedîd râyic fi’l-vakt akçe deynim vardır dedikde mukırr-ı mezbûrun vech-i mübeyyen üzre olan ikrâr-ı meşrûhunu el-mukarru lehümü’l-merkūmûn bi’l-muvâcehe tasdîk edicek mâ hüve’l-vâki‘ bi’t-taleb ketb olundu. Fî evâhiri Saferi’l-hayr li sene erba‘a ve hamsîn ve elf. [Şuhûdü’l-hâl:] İbrahim Beşe b. Abdullah Çukadâr, muhtesib Mustafa Beşe b. Mehmed, Ali Beşe b. Mustafa, İbrahim Çelebi b. Mustafa, Musa b. Mehmed, Baba Süleyman b. Turgud