Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 84 Hüküm no: 55 Orijinal metin no: [11a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Osman ile kocası Handan b. Abdullah’ın muhâlaa ile boşandıkları Medîne-i Ebâ Eyyûb el-Ensârî mahallâtından Fethi Çelebi mahallesinde sâkine Hatice bt. Osman nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde zevci râfi‘ü’l-vesîka Handan b. Abdullah ile muhâla‘a oldukda ol dahi onunla nikâhlarında ma‘kūdun aleyh olan kadri ve nisâbı elif-i tesniye ile iki bin dirhem fıddî râyic fi’l-vakt mehr-i müecceli ile ilm-i şer‘î ile mu‘ayyen ve ma‘lûme olan nafaka-i iddet-i şer‘iyyesi ve me’ûnet-i süknâsı üzerine muhâla‘a-i sahîha-i şer‘iyye ile muhâla‘a oldukda akd-i cedîd ve sadâk-ı müste’nef olmaksızın kendisine helâl olmamak üzre bâyin oldukdan sonra her biri âharın zimmetini zevciyyete müte‘allika olan cemî‘ de‘âvîden ibrâ-i âmm-ı kātı‘ü’n-nizâ‘ ve râfi‘ün li’l-husûmet ile ibrâ ettiler. Cerâ zâlike ve hurrire fi’l-yevmi’l-mübârek es-sâbi‘ ve’l-ışrîn min Saferi’l-hayr li sene erba‘a ve hamsîn ve elf. Şuhûdü’l-hâl: Receb Efendi b. Abdi, Ali b. Mustafa, Hüseyin b. Ali, Musa b. Mehmed ve gayruhüm [mine’l-huzzâr]