Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 86 Hüküm no: 59 Orijinal metin no: [11b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Handan b. Abdullah’ın menzilini Kahraman bt. Abdullah’a sattığı ve bedelini zimmetindeki borca takas ettikleri Medîne-i Ebâ Eyyûb-i Ensârî mahallâtından merhûm Ahmed Dede mahallesinde sâkin Handan b. Abdullah mahfil-i kazâda zevce-i menkûha-i medhûlün bihâsı işbu râfi‘ü’l-vesîka Kah[r]aman bt. Abdullah muvâcehesinde bi’t-tav‘ ikrâr ve i‘tirâf edip zikri âtî akdin sudûruna değin silk-i mülk ve tasarrufumda ve taht-ı yedimde muntazam hakkım olup mahalle-i mezbûrede vâki‘ bir tarafı Mehmed Çelebi b. Ömer menzili ve bir tarafı Âişe Hâtun bt. ( ) menzili ve bir tarafı tesbihçi Ahmed b. ( ) menzili ve bir tarafı ba‘zan tarîk-i hâs ve ba‘zan Muhsine Hâtun vakfı ile mahdûd bir bâb fevkānî çardağı ve bir bâb tahtânî odayı ve sofayı ve ahırı ve muhavvata-i zât-ı eşcâr-ı müsmire ve gayr-ı müsmireyi müştemil cemî‘ mülk menzilimin cemî‘ hukūk ve merâfıkı ile nısf-ı şâyi‘ini zevcem mezkûre Kahraman’a dört bin ceyyid cedîd râyic fi’l-vakt akçeye bey‘-i kat‘î ile bey‘ ve teslîm eyledim ol dahi iştirâ ve tesellüm ve kabûl eyledikden sonra semeni olan meblağ-ı mezbûr dört bin akçeyi, zevce-i mezkûre Kahraman için zimmetimde mukarrer olan vâcibü’l-edâ dört bin akçe deynime takās eyledim dediğimde mukırr-ı mezbûrun vech-i mübeyyen üzre