Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 90 Hüküm no: 64 Orijinal metin no: [12b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Komino v. Yorgi’nin menzil yerini Yani v. Dimitri’ye sattığı Vilâyet-i Rumeli’nde İnebahtı sancağında Gerbeniş kazâsına tâbi‘ Manasteraki nâm karyeden Komino v. Yorgi mahfil-i kazâda işbu râfi‘ü’l-vesîka Yani v. Dimitri muvâcehesinde bi’t-tav‘ ikrâr ve i‘tirâf edip zikr-i âtî akdin sudûruna değin silk-i mülk ve tasarrufumda ve taht-ı yedimde muntazam hakkım olup karye-i mezbûrede vâki‘ bir tarafı tarîk-i âm ve bir tarafı Mihal v. Yorgi bostanı ve bir tarafı Yani v. Dimitri bostanı ve bir tarafı Yorgi v. İstati menzili ile mahdûd üç dip dut ağacını ve bir dip kızılcık ağacını ve bir dip ceviz ağacını müştemil harâba müşrif cemî‘ mülk menzil yerimi cemî‘ hukūk ve merâfık ve menâfi‘iyle mezbûr Yani’ye fıddî ceyyid cedîd bin üç yüz yirmi akçeye bey‘ eyledim ol dahi iştirâ ve kabûl eyledikden sonra semen-i mezbûr bin üç yüz yirmi mezbûrü’n-na‘t akçeyi yedinden tamâmen ahz u kabz eyledim ve zikr olunan menzil yerini mahallinde kabza mezbûr Yani’yi taslît eyledim dedikde gıbbe’t-tasdîk ve’t-taleb ketb olundu. Fî gurreti şehri Rebî‘ilevvel li sene erba‘a ve hamsîn ve elf. Şuhûdü’l-hâl: Ali b. Mustafa, Hüseyin b. Ali, Baba Süleyman b. Turgud, Komini [v.] Todori, Mihal, Rizo [v.] Franko ve gayruhüm [mine’l-huzzâr]