Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 94 Hüküm no: 72 Orijinal metin no: [13b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Bayram Halîfe b. Aydın’ın zevcesi Fâtıma bt. Hüseyin’i bâyin talâk ile boşadığı Medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Sofular mahallesinde sâkin olan el-Hâc Bayram Halîfe b. Aydın el-Müezzin tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâzır olup Fâtıma bt. Hüseyin nâm zevcesini talâk-ı bâyin ile tatlîk ettikden sonra nikâhlarında ma‘kūdun aleyh olan kadri ve nisâbı iki yüz dirhem fıddî râyic fi’l-vakt mehr-i müecceli ile aralarında ilm-i şer‘î ile ma‘lûme ve mu‘ayyene olan nafaka-i iddet-i şer‘iyyesini ve me’ûnet-i süknâsını ki kadri ve nisâbı nakd-i mezbûrdan yüz dirhemdir teslîm-i sahîhayn-i şer‘iyyeyn ile teslîm edip teslîm ve tesellüm-i sahîhayn-i şer‘iyyeyn olmağın akd-i cedîd ve sadâk-ı müste’nef olmaksızın kendisine helâl olmamak üzre kendisine yabancı oldukda her biri âharın zimmetini zevciyyete müte‘allika cemî‘ de‘âvîden ibrâ-i âmm-ı kātı‘ü’n-nizâ‘ ve râfi‘ün li’l-husûmet ile ibrâ ettiler. Cerâ zâlike ve hurrire fî yevmi’s-Sülesâ es-sâlis min şehri Rebî‘ilevvel li sene erba‘a ve hamsîn ve elf. Şuhûdü’l-hâl: Receb Efendi b. Abdi, Kemhacızâde Mustafa Ağa el-Mevlevî, Hüseyin Halîfe b. Sefer, Hüseyin b. Ali, Bayram Sofu b. Mehmed ve gayruhüm