Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 101 Hüküm no: 81 Orijinal metin no: [15b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmail Çelebi ile Mehmed Çelebi’nin hak talep ettikleri Yani v. Estaşno’nun elindeki evle ilgili davalarından vazgeçtikleri Vilâyet-i Rumeli’nde Mora sancağına tâbi‘ Kartine kazâsı müzâfâtından Ma[go]liye nâm karye sâkinlerinden İsmail Çelebi ve Mehmed Çelebi ibney Hân mahfil-i kazâda işbu râfi‘ü’l-kitâb Yani v. Estaşno nâm zimmî mahzarında her biri ikrâr-ı tâm ve takrîr-i kelâm edip karye-i merkūmede vâki‘ mezbûr Yani’nin silk-i mülk ve tasarrufumda ve taht-ı yedimde münselik ve munzabıt lede’l-ahâlî ve’l-cîrân ma‘lûmü’l-hudûd menzili babam mezbûr Hân hâl-i hayâtında iştirâ edip bi-hasebi’l-irsi’ş-şer‘î bize intikāl eylemişdir deyû taleb ve da‘vâ eylediğimizde beynimizde münâza‘ât-ı kesîre ve muhâsamât-ı şedîde vâkı‘a olmuşdu el-hâletü hâzihî da‘vâ-yı mezkûremizden mezbûr Yani’nin zimmetini ibrâ-i âm ile ibrâ ve iskāt eyledik ba‘de’l-yevm menzil-i mezbûrda bizim kat‘â alâkamız yokdur dedikler[inde] gıbbe’t-tasdîk ve’t-taleb ketb olundu. Hurrire fi’l-yevmi’s-sâdis min şehri Rebî‘ilevvel li sene erba‘a ve hamsîn ve elf. Şuhûdü’l-hâl: Es-Sâbıkūn