Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 107 Hüküm no: 92 Orijinal metin no: [17a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Mustafa ile zevci Hüseyin b. Abdullah’ın muhâlaa ile boşandıkları Kostantıniyyetü’l-mahmiyye mahallâtından Koca Mustafa Paşa mahallesinde sâkine Fâtıma bt. Mustafa nâm hâtun -tağyîr ve tahrîfden korunmuş olan- meclis-i şer‘-i şerîf ve mahfil-i dîn-i münîfde hâzır olup zevci hâmil-i hâze’l-kitâb Hüseyin b. Abdullah nâm kimesne ile muhâla‘a olduğunu ikrâr edip ol dahi onunla nikâhlarında ma‘kūdun aleyh olan kadri ve nisâbı bin beş yüz dirhem fıddî râyic fi’l-vakt olan mehr-i müecceli ile nafaka-i iddeti mukābilinde ve me’ûnet-i süknâsı kendi üzerine olmak üzre muhâla‘a-i sahîha-i şer‘iyye ile muhâla‘a olduğunu ikrâr-ı sahîh-i şer‘î ile ikrâr eyleyip akd-i cedîd ve sadâk-ı müste’nef olmaksızın kendisine helâl olmamak üzre bâyin oldukdan sonra her biri âharın zimmetini hukūk-ı zevciyyete müte‘allik cemî‘-i de‘âvî ve mütâlebâtdan ibrâ-i âmm-ı kātı‘ü’n-nizâ‘ ve râfi‘ün li’l-husûmet ile ibrâ ettiler. Cerâ zâlike ve hurrire fi’l-yevmi’l-hâmis min şehri Rebî‘ilâhir sene 1054. Şuhûdü’l-hâl: Mustafa b. Ahmed, Ahmed Çelebi b. Hüseyin, Ali Beşe b. Mustafa ve gayruhüm mine’l-huzzâr