Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 140 Hüküm no: 135 Orijinal metin no: [26b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Mustafa’nın Mehmed b. Veli’nin yetim oğlu Mustafa’ya vasî tayin edildiği Bundan akdem [Havâss-ı] refî‘a kazâsı müzâfâtından Terkos nâhiyesinden Yeniköy nâm karyede sâkin olan Mehmed b. Veli vefât ettikde Mustafa nâm sagīr oğlunu terk edip vasiyy-i muhtârı olmamağın mezbûrun tesviye-i umûru ve zabt-ı ahvâli için bir vasiyy-i şer‘î ta‘yînine muhtâc olmağın hâkim-i muvakki‘u a‘lâhu -el-mütevakki‘u rızâe Mevlâhü- sikāt ve udûl hüsn-i hâlini ve emânetini ve güvenilirliğini haber verdiklerinden sonra hâmil-i hâze’l-kitâb Ali b. Mustafa’yı sagīr-i mezbûrun zabt-ı umûru ve rabt-ı ahvâli ve bast-ı emvâli için vasî ta‘yîn etmeğin ol dahi vesâyet-i mezbûreyi kabûl ve umûrunu ikāme etmeyi mültezim oldukda nasb ve kabûl-i sahîhayn-i şer‘iyyeyn [kayd olundu]. Cerâ zâlike ve hurrire fi’l-yevmi’s-sânî ve’l-ışrîn min şehri Rebî‘ilâhir li sene erba‘a ve hamsîn ve elf. Şuhûdü’l-hâl: Eş-Şeyh Mehmed Efendi b. Osman Efendi, Mustafa Çelebi b. İbrahim, Ahmed b. Hüsam, Mehmed b. Muslu, Mustafa b. Mehmed, Hüseyin Çelebi b. Ali, Mustafa b. Mehmed el-Muhtesib, Ali Beşe b. Mustafa ve gayruhüm mine’l-huzzâr