Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 141 Hüküm no: 137 Orijinal metin no: [26b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fıtık hastası olan Yani v. Yorgi’nin Zogro v. Yani tarafından tedavi edileceği Vilâyet-i Rumeli’nde Mora sancağından Yani v. Yorgi meclis-i şer‘-i şerîf-i şâmihü’l-imâdda işbu sâhibü’l-kitâb Zogro v. Yani nâm zimmî mahzarında bi’t-tav‘ ve’l-ihtiyâr lâ bi’l-kerh ve’l-icbâr ikrâr ve takrîr-i kelâm edip hâlen mübtelâ olduğum maraz-ı fıtığa mu‘âleceye eczâ-i hâdde-i nâfi‘a ile fatk u ratk ve vasl-ı kat‘ ve hark u iltiyâma safâ-yı bâl ve tîb-i hâtır ile tabîb-i mezbûr zimmîye nefsimi teslîm eyledim eğer mukadderât-ı ilâhiyye sünûh ve sudûr edip hîn-i mu‘âlece ve esnâ-yı müdâvâtda bi-emrillâh hâlik olursam veresemden ve efrâd-ı âferîdeden dem ve diyetim tabîb-i mezbûrdan taleb edip rencîde eylemesin dedikde mukırr-ı mezbûru ikrâr-ı muharrerinde mezbûr Zogro vicâhen tasdîk ve şifâhen tahkīk eylemeğin işbu hurûf hıfzan li’l-makāl bi’t-taleb ketb ve terkīm olundu. Tahrîren fi’l-yevmi’r-râbi‘ ve’l-ışrîn min şehri Rebî‘ilâhir li sene erba‘a ve hamsîn ve elf. Şuhûdü’l-hâl: Ali Beşe b. Mustafa, İbrahim Çelebi b. Mustafa, Mustafa b. Ali, Musa b. ( ), Baba Süleyman [b.] Turgud ve gayruhüm mine’l-huzzâr