Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 144 Hüküm no: 140 Orijinal metin no: [27a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Veli b. Ali’nin evini Surûrî Ağa Vakfı’na bey‘ bi’l-istiğlâl yoluyla sattığı Medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Süleyman Subaşı mahallesinde sâkin Veli b. Ali nâm kimesne meclis-i şer‘-i şerîfde -Allahü te‘âlâ tağyîr ve tahrîfden korusun- ikrâr ve i‘tirâf edip bu akdin sudûruna değin kendisine âid mülkü olup yedinde ve taht-ı tasarrufunda bulunan mahalle-i mezbûrede vâki‘ bir tarafdan Mahmud Beşe b. Abdurrahman mülkü ve bir tarafdan Musa b. Abdullah mülkü ve bir tarafdan Mustafa Beşe b. Receb mülkü ve bir tarafdan tarîk-i âm ile mahdûd olan cemî‘ menzilini bi-cümleti’t-tevâbi‘ ve’l-levâhık ve kâffeti’l-menâfi‘ ve’l-merâfık kadri ve nisâbı yüz kıt‘a riyâlî guruş ta‘bîr olunur harbî sikke ile meskûk kıt‘a-i fıddî semen-i mu‘ayyen-i makbûza hâmil-i hâze’l-kitâb merhûm Surûrî Ağa vakfı’na mütevellî olan Yusuf Bey b. Abdullah el-Cündî’ye bey‘ etmeğin ol dahi vakf-ı mezbûr malı ile ondan istiğlâlen iştirâ eyleyip bey‘ ve iştirâ-i sahîhayn-i şer‘iyyeyn eyledikden sonra menzil-i mezbûru ba‘de’t-tahliyye ve’t-tekābuz zeyl-i kitâb şehri gurresinden sene-i kâmile tamâmına değin bu müddet için mikdârı bin iki yüz mezbûrü’n-na‘t dirhem ücret-i mu‘ayyeneye istîcâr etmeğin ol dahi ona îcâr ettikde îcâr ve istîcâr-ı sarîhayn-i mer‘iyyeyn ile ikrâr-ı sahîh-i şer‘î ve i‘tirâf-ı sarîh-i mer‘î ile ikrâr ve i‘tirâf ettikden sonra [mütevelli’l-]mezbûr kıbelinden dahi vicâhen tasdîk olunmağın [kayd olundu]. Cerâ zâlike ve hurrire fi’t-târihi’l-mezbûr. Şuhûdü’l-hâl: Es-Sâbıkūn