Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 147 Hüküm no: 144 Orijinal metin no: [28a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimo v. Andriye’nin Manko v. ( ) zimmetindeki alacağının bir kısmına Yorgi v. Nikola’nın kefîl olduğu Çoban tâifesinden bâ‘isü’l-kitâb Dimo v. Andriye nâm zimmî meclis-i şer‘-i hatîr-i lâzımü’t-tevkīrde kazâ-i Havâss-ı Aliyye müzâfâtından Büyükçekmece nâhiyesine tâbi‘ Sürgün nâm karyeden işbu hâzır bi’l-meclis Yorgi v. Nikola nâm zimmîyi ihzâr [ve] muvâcehesinde üzerine da‘vâ ve takrîr-i kelâm edip bundan [akdem] gāib ani’l-meclis Manko v. ( ) nâm zimmî zimmetinde deyn-i şer‘îden olan on bin üç yüz akçenin iki bin beş yüz akçesine mezbûr Yorgi emr-i kabûlü hâvî kefâlet ile kefîl olmuşdu suâl olunup takrîr-i tahrîr ve bi-hasebi’ş-şer‘ icrâ-yı hak olunması matlûbumdur dedikde gıbbe’s-suâl ve akībe’l-istintâk mezbûr Yorgi cevâbında fi’l-hakīka merkūm Manko zimmetinde olan on bin üç yüz akçenin iki bin beş yüz akçesine vech-i mübeyyen üzre emr-i kabûlü hâvî kefâlet ile kefîl olduğunu mukır ve mu‘terif olmağın mâ hüve’l-vâki‘ gıbbe’l-ibtigā sebt ve imlâ olunup men lehü’t-taleb yedine vaz‘ olundu. Hurrire fi’l-yevmi’r-râbi‘ min şehri Rebî‘ilâhir li sene erba‘a ve hamsîn ve elf. Şuhûdü’l-hâl: Mustafa Beşe b. Mehmed el-Muhtesib, Ali Beşe b. Mustafa, Baba Süleyman b. Turgud, Musa b. Mehmed ve gayruhüm mine’l-huzzâr