Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 163 Hüküm no: 166 Orijinal metin no: [32a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Râbia Hâtun bt. Süleyman ile kocası Kadri b. Ahmed’in muhâlaa ile boşandıkları Ebâ Eyyûb el-Ensârî -radiye anhu Rabbühü’l-Bârî- mahallâtından Düğmecibaşı mahallesinde sâkine Râbia Hâtun bt. Süleyman nâm hâtun -tağyîr ve tahrîfden korunmuş olan- meclis-i [şer‘-i] şerîf ve mahfil-i dîn-i münîfde hâzır olup zevci râfi‘-i hâze’l-kitâb Kadri b. Ahmed nâm kimesne ile muhâla‘a olduğunu ikrâr ve i‘tirâf edip ol dahi onunla nikâhlarında ma‘kūdun aleyh olan kadri ve nisâbı altı yüz altmış ceyyid cedîd râyic fi’l-vakt dirhem olan mehr-i müecceli ile nafaka-i iddeti ve aralarında ilm-i şer‘î ile ma‘lûme olan me’ûnet-i süknâsı kendi üzerine olmak üzre ve menzilini meremmet etmek için izni ile satın aldığı tahta ve çivi semeninden zimmetini ibrâ etmek üzre muhâla‘a-i sahîha-i şer‘iyye ile muhâla‘a olmağın akd-i cedîd ve sadâk-ı müste’nef olmaksızın kendisine helâl olmamak üzre bâyin oldukdan sonra her biri âharın zimmetini umûmen ve husûsan hukūk-ı zevciyyete ve gayra müte‘allik cemî‘ de‘âvî ve muhâsamâtdan ibrâ-i âmm-ı kātı‘ü’n li’n-nizâ‘ ve râfi‘ün li’l-husûmet ile ibrâ etmeğin ikrâr-ı sahîh-i şer‘î men lehü’t-tasdîk tarafından vicâhen ve şifâhen tasdîk olunmağın [kayd olundu]. Cerâ zâlike ve hurrire fi’l-yevmi’s-sâmin min Cumâdelûlâ li sene erba‘a ve hamsîn ve elf. Şuhûdü’l-hâl: Fahrü’l-akrân Mustafa Bey b. Yusuf el-Cündî, zahrü’l-emsâl Mehmed Beşe b. İsmail er-Râcil, Mahmud b. İsmail, Mustafa b. İsmail, Mehmed b. Mahmud er-Râcil, el-Hâc Ahmed Beşe Çukadâr, Hüseyin b. Ali ve gayruhüm mine’l-huzzâr