Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 249 Hüküm no: 262 Orijinal metin no: [33a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha bt. Abdullah’ın bazı ev eşyalarını kocası Mustafa Beşe b. Ahmed’e hibe ettiği Mahmiye-i İstanbul’da Ahîzâde mahallesinde sâkine Sâliha bt. Abdullah nâm hâtun tarafından husûs-ı âti’l-beyâna vekîl olduğu zâtını ma‘rifet-i şer‘iyye ile ârifân Ramazan Beşe b. Abdülkerim ve Abdülhalim Efendi b. Ahmed nâm kimesneler şehâdetleri ile şer‘an sâbit olup mahalle-i mezbûre imâmı olan Nuh Efendi b. Kemal nâm kimesne meclis-i şer‘-i şerîf-i Nebevî ve mahfil-i dîn-i münîf-i Mustafavî’de müvekkile-i mezbûrenin zevci bâ‘isü’l-kitâb Mustafa Beşe b. Ahmed mahzarında ikrâr ve takrîr-i kelâm edip müvekkilem mezbûre Sâliha eşyâ-i memlûkesinden beynlerinde ma‘lûm üç yemeni yorgan ve iki kırmızı velense ve bir neftî kebe ve beş beledî yastık ve üç tencere ve bir bakır sini ve üç sahan ve bir kahve ibriği ve bir leğen ve bir abdest ibriği zevc-i mezbûr Mustafa Beşe’ye hibe ve teslîm [33b] ol dahi ittihâb ve kabûl ve kabz eyledi dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Hurrire fi’l-yevmi’r-râbi‘ min Cumâdelâhire li sene seb‘a ve seb‘în ve elf. Şuhûdü’l-hâl: Nuh Efendi b. Kemaleddin, Osman Ağa b. Ahmed, Ahmed Ağa b. Mustafa, Mustafa Çelebi b. Ali, Mehmed Çelebi.