Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 178 Hüküm no: 186 Orijinal metin no: [36a-1 Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aynî Hâtun bt. Sinan ile kocası Yakub b. Murad’ın muhâlaa ile boşandıkları Hazret-i Ebâ Eyyûb el-Ensârî -radiye anhu Rabbühü’l-Bârî- mahallâtından Baba Haydar mahallesinde sâkine râfi‘at-i hâze’l-kitâb Aynî Hâtun bt. Sinan nâm hâtun -tağyîr ve tahrîfden korunmuş olan- meclis-i şer‘-i şerîf ve mahfil-i dîn-i münîfde hâzır olup zevci Yakub b. Murad nâm kimesne ile muhâla‘a olduğunu ikrâr ve i‘tirâf ettikde ol dahi onunla nikâhlarında ma‘kūdun aleyh olan kadri ve nisâbı ceyyid cedîd fıddî râyic fi’l-vakt bin akçe olan mehr-i müecceli ile nafaka-i iddeti ve aralarında ilm-i şer‘î ile ma‘lûme olan me’ûnet-i süknâsı kendi üzerine olmak üzre muhâla‘a-i sahîha-i şer‘iyye ile muhâla‘a olmağın akd-i cedîd ve sadâk-ı müste’nef olmaksızın kendisine helâl olmamak üzre bâyin oldukdan sonra her biri âharın zimmetini umûmen ve husûsan hukūk-ı zevciyyete müte‘allik cemî‘ de‘âvî ve mütâlebât ve eymân ve muhâsamâtdan ibrâ-i âmm-ı kātı‘ü’n li’n-nizâ‘ ve râfi‘ün li’l-husûmet ile ibrâ etmeğin ikrâr-ı sahîh-i şer‘î ve i‘tirâf-ı sarîh-i mer‘î oldukda men lehü’t-tasdîk kıbelinden vicâhen ve şifâhen tasdîk olunmağın [kayd olundu]. Cerâ zâlike ve hurrire fi’l-yevmi’s-sâdis min Cumâdelûlâ li sene erba‘a ve hamsîn ve elf. Şuhûdü’l-hâl: Mustafa Beşe b. Mehmed min huddâm, Ali Beşe b. Mustafa min huddâm, Mustafa Beşe b. Veli min huddâm, İbrahim Çelebi b. Mustafa min huddâm, el-Hâc Ahmed Beşe <> Çukadâr, Hüseyin b. Ali min huddâm, Bayram Sofu min huddâm, Süleyman b. Turgud ve gayruhüm mine’l-huzzâr