Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 251 Hüküm no: 265 Orijinal metin no: [33b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha bt. Abdullah vefatında teçhiz ve tekfini için kocasını vasî tayin ettiği Ve kezâlik müvekkile-i mezbûrenin zevci râfi‘ü’l-kitâb Mustafa Beşe b. Ahmed mahzarında ikrâr ve takrîr-i kelâm edip müvekkile-i mezbûre Sâliha şöyle vasiyyet eyledi ki bi emrillâhi te‘âlâ dâr-ı fenâdan dâr-ı bekāya intikāl ve irtihâl eylediğinde muhallefâtından elli esedî guruş sünnet-i seniyye üzre techîz ve tekfîne ve bin bir akçe iskāt-ı salâtına harc oluna deyip vasiyyet-i mezbûresini tenfîze zevci mezbûr Mustafa Beşe’yi vasiyy-i muhtâr nasb ve ihtiyâr edip ol dahi kabûl ve merâsimini edâya ta‘ahhüd eyledi dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’r-râbi‘ min Cumâdelâhire li sene seb‘a ve seb‘în ve elf. Şuhûdü’l-hâl: Es-Sâbikūn.