Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 251 Hüküm no: 266 Orijinal metin no: [33b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Ali b. İsa’nın, el-Hâc Yahya’daki alacağını havale yoluyla el-Hâc Yusuf’un ödediği Mahmiye-i İstanbul’da enserci tâifesinden el-Hâc Ali b. İsa nâm kimesne meclis-i şer‘de el-Hâc Yusuf nâm kimesne mahzarında üzerine da‘vâ ve takrîr-i kelâm edip gāib ani’l-meclis el-Hâc Yahya nâm kimesne zimmetinde deyn-i şer‘îden olan dört bin yedi yüz akçe hakkımı târih-i kitâbdan mukaddem üçümüz bir meclisde iken meblağ-ı mezbûru îcâr-ı muhîl ve rızâ-yı muhtâl ve kabûl-i muhtâlün-aleyhi hâvî havâle-i sahîha-i şer‘iyye ile havâle mezbûr Yusuf dahi havâle-i mezbûreyi kabûl edip ben dahi meblağ-ı mezbûru mezbûr el-Hâc Yusuf yedinden tamâmen ahz u kabz ettiğimden sonra bir vech ile havâle-i mezbûreyi fesh îcâb eder hâli yoğiken yine meblağ-ı mezbûr dört bin akçeyi benden taleb ile mu‘ârazadan hâlî değildir suâl olunup men‘ olunmak matlûbumdur dedikde gıbbe’s-suâl mezbûr el-Hâc Yusuf cevâbında fi’l-vâki‘ kaziyye minvâl-i muharrer üzre olup havâle-i mezbûreyi ikrâr ve i‘tirâf etmeğin mezbûr el-Hâc Yusuf bî-vech mu‘ârazadan men‘ birle mâ vaka‘a bi’t-taleb ketb olundu. Fi’l-yevmi’s-sâmin min Cumâdelâhire li sene [10]77. Şuhûdü’l-hâl: Süleyman b. Abdullah, el-Hâc Mehmed b. Ali, el-Hâc Mehmed b. Celali, Tercümân Said, el-Hâc Kasım.