Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 209 Hüküm no: 225 Orijinal metin no: [43a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Değirmenin sahibi olan zimmîler tarafından Nikola v. İstirati ve Nikola v. Dimitri’ye satıldığı Vilâyet-i Rumeli’nde Gerbeniş kazâsına tâbi‘ Pavlovi nâm karye ahâlîsinden Panayot v. Dimitri ve Nikola v. Dimitri ve Dimitri v. Rijo ve İstirati v. Dimitri ve Dimitri v. Yorgi ve Yani v. Andriye ve Yani v. Kamino ve Oro v. Avyor ve Dimitri v. Yorgi ve Kamino v. Yorgi ve Kamino v. Yorgi ve İstati v. İstirati ve Rizo v. Dimitri ve Mihal v. Papa Dado ve Nikola v. Oro ve Yorgi v. Dimitri ve Kamino v. Petro ve Maskolyo v. Nikola ve Todori v. İstirati ve Rizo v. Todori ve Hristo v. Dimitri ve Yorgi v. Avyor ve [43b ] Trandafilo v. Yorgi ve Nikola v. Rizo ve Nikola v. Oro nâm zimmîler meclis-i şer‘-i hatîr-i lâzımü’t-tevkīrde yine karye-i mezbûreden işbu hâmileyi’l-kitâb Nikola v. İstirati ve Nikola v. Dimitri muvâcehelerinde bi’t-tav‘ ve’r-rızâ her biri ikrâr ve takrîr-i kelâm edip akd-i âtî sudûruna değin ale’l-iştirâki’s-seviy mutasarrıf olduğumuz emlâkden karye-i mezbûre kurbunda İstenime Deresi demekle ma‘rûf nehir üzre dâir bir tarafdan nehr-i mezkûre ve bir tarafdan arz-ı hâliye ve iki tarafdan tarîk-i âma müntehî arsanın beher sene cânib-i sâhib-i arza otuz iki akçe mukāta‘a-i zemîni olup ale’l-iştirâki’s-seviy mülkümüz olan bir göz değirmenimizi cemî‘ âlât ve esbâbı ile merkūmân Nikola ve Nikola’ya ale’l-iştirâki’s-seviy üç bin fıddî cedîd ve ceyyid râyic fi’l-vakt akçeye bey‘-i bâtt-ı sahîh-i şer‘î ile bey‘ ve kabz-ı semen edip mebî‘-i mezkûru mahallinde kabza müşteriyân-ı merkūmânı taslît eyledik ba‘de’l-yevm zikr olunan bir göz su değirmeni ale’l-iştirâki’s-seviy mersûmân Nikola ve Nikola’nın mülk-i müşterâ-yı sarîhleridir keyfe mâ yeşâ’ ve hasbe mâ yürîd mutasarrıf olsunlar dediklerinde mukırrûn-ı mezkûrûnun minvâl-i muharrer üzre cârî ve sâdır olan ikrâr ve takrîrlerini el-mukarru lehüma’l-mezbûrân Nikola ve Nikola bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb sebt olundu. Hurrire fi’l-yevmi’s-sâmin aşer min Cumâdelûlâ li sene erba‘a ve hamsîn ve elf min hicreti men lehü’l-izzü ve’ş-şeref. Şuhûdü’l-hâl: Fahrü’l-müderrisîni’l-kirâm Hüseyin Efendi, Abdülkādir Çelebi b. ( ) el-Müezzin, Hüseyin Çelebi b. Abdullah, Mehmed Beşe b. Abdullah, Zahrü’l-akrân Mustafa Beşe, Fahrü’l-emsâl Mustafa Çavuş b. ( ), Mehmed Beşe b. Abdullah el-Hallâk, Mustafa Beşe el-Muhtesib, İbrahim Çelebi min huddâm, Ali b. Mustafa, Panayot [v.] Nikola, Yorgo Sâ‘atçi, Avyoro [v.] Şirpulo, Kamino [v.] Yorgi, Yorgi [v.] İstemad ve gayruhüm mine’l-huzzâr