Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 214 Hüküm no: 232 Orijinal metin no: [44b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vasîsi Ömer Beşe b. Osman’ın talebiyle Âmine bt. Mustafa’ya nafaka tayin edildiği Hâkimü’l-muvakki‘u a‘lâhu el-mütevakki‘u rızâe Mevlâhü babası bundan akdem medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından İdrisköşkü mahallesinde sâkin iken müteveffâ olan Âmine bt. Mustafa nâm sagīrenin nafakası ve kisvesi ve sâir havâic-i zarûriyyesi için sagīre-i mezbûrenin vasîsi ve amcası olan hâmil-i hâze’l-kitâb Ömer Beşe b. Osman’ın talebiyle müteveffâ babasından kendisine intikāl eden malından târih-i kitâbdan mürûr eden ve geçen her bir gün için üç buçuk dirhem fıddî cedîd ve ceyyid râyic fi’l-vakt akçe nafaka farz ve takdîr eyleyip zarûret hâlinde istidâneye ve lede’z-zafer rücû‘a izin verdikde farzan ve iznen sahîhayn-i şer‘iyyeyn [kayd olundu]. Cerâ zâlike ve hurrire fi’l-yevmi’r-râbi‘ aşer min Cumâdelûlâ li sene erba‘a ve hamsîn ve elf. Şuhûdü’l-hâl: Es-Sâbıkūn