Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 222 Hüküm no: 243 Orijinal metin no: [46a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. İstadi’nin iki kadındaki alacağının tahsili için Yorgi v. Apostol’ü vekil tayin ettiği Kazâ-i Havâss-ı Aliyye nevâhîsinden Çatalca nâhiyesine tâbi‘ Çakıl nâm karyeden Yorgi v. İstadi meclis-i şer‘-i şerîf ve mahfil-i dîn-i münîfde işbu hâmilü’l-kitâb Yorgi v. Apostol nâm zimmî muvâcehesinde bi’t-tav‘i’s-sâf ikrâr ve takrîr-i kelâm edip karye-i mezbûre sâkinlerinden Maro bt. Todori nâm Nasrâniyye zimmetinde deyn-i şer‘îden yedi bin beş yüz akçe Verkakine nâm Nasrâniyye zimmetinde dahi kezâlik deyn-i şer‘îden sekiz yüz akçe ki cem‘an merkūmetân zimmetlerinde sekiz bin üç yüz akçe hakkımı ahz u kabz ve bana îsâle ve ahz [u] kabza müte‘allik olan de‘âvîye merkūm Yorgi’yi tarafımdan vekîl ve nâib-i menâb nasb ve ta‘yîn eyledim dedikde ol dahi vekâlet-i mezbûre[yi] kabûl ve hizmet-i lâzımesin edâya müte‘ahhid olmağın işbu hurûf bi’t-taleb ketb ve terkīm olundu. Tahrîren fi’l-yevmi’l-hâmis ve’l-ışrîn min Cumâdelûlâ li sene erba‘a ve hamsîn ve elf. Şuhûdü’l-hâl: Ali Beşe b. Mustafa, Mustafa Beşe el-Muhtesib, Mustafa Beşe b. Veli, İbrahim Çelebi min huddâm, Baba Süleyman b. Turgud, Musa b. Mehmed ve gayruhüm