Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 224 Hüküm no: 246 Orijinal metin no: [46a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe Hâtun bt. Mehmed ile kocası Süleyman b. Mehmed’in muhâlaa ile boşandıkları Ebâ Eyyûb el-Ensârî -radiye anhu Rabbühü’l-Bârî- mahallâtından Takyecibaşı mahallesinde sâkine Âişe Hâtun bt. Mehmed nâm hâtun meclisü’ş-şerî‘ati’ş-şerîfeti’l-garrâ ve mahfilü’t-tarîkati’r-refî‘ati’z-zehrâda hâzır olup zevci râfi‘-i hâze’l-kitâb Süleyman b. Mehmed nâm kimesne ile muhâla‘a oldukda ol dahi onunla nikâhlarında ma‘kūdun aleyh olan kadri ve nisâbı iki bin üç yüz dirhem fıddî cedîd ceyyid râyic fi’l-vakt olan mehr-i müecceli ile nafaka-i iddeti ve me’ûnet-i süknâsı kendi üzerine olmak üzre muhâla‘a-i sahîha-i şer‘iyye ile muhâla‘a olmağın akd-i cedîd ve sadâk-ı müste’nef olmaksızın kendisine helâl olmamak üzre bâyin oldukdan sonra her biri âharın zimmetini hukūk-ı zevciyyete müte‘allik cemî‘ de‘âvî ve muhâsamâtdan ibrâ-i âmm-ı kātı‘ü’n li’n-nizâ‘ ve râfi‘ün li’l-husûmet ile ibrâ ettikde [kayd olundu]. Cerâ zâlike ve hurrire fi’l-yevmi’s-sâbi‘ ve’l-ışrîn min Cumâdelûlâ li sene erba‘a ve hamsîn ve elf. Şuhûdü’l-hâl: Ahmed Beşe Çukadâr, Mustafa Beşe el-Muhtesib, Ali Beşe Serbölük, Mustafa Çelebi min huddâm, İbrahim Çelebi min huddâm, Hüseyin b. Ali, Bayram Sofu, Baba Süleyman ve gayruhüm mine’l-hâzırîn