Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 225 Hüküm no: 248 Orijinal metin no: [46b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emetullah bt. Abdi’nin boşandığı Mahmud Efendi b. Hasan’dan olan kızı Âişe’nin bakımını nafaka talep etmeksizin üstlendiği Medîne-i Ebâ Eyyûb-i Ensârî -radiye anhu Rabbühü’l-Bârî- mahallâtından İslâm Bey mahallesinde sâkine Emetullah bt. Abdi nâm hâtun meclis-i şer‘-i hatîr-i lâzımü’t-tevkīrde zevc-i mutallıkı işbu râfi‘ü’l-kitâb Mahmud Efendi b. Hasan mahzarında bi’t-tav‘ ve’r-rızâ ikrâr ve takrîr-i kelâm edip zevcim Mahmud Efendi beni tatlîk etmekle mezbûrdan hâsıl olan sadriye kızım Âişe nâm sagīreyi hakk-ı hidâne şer‘an benim olmağın hucr ve terbiyeme alıp hakk-ı hidâne benden sâkıt oluncaya değin bilâ-taleb-i nafaka imsâk ve terbiye etmeğe ta‘ahhüd eyledim dedikde mukırra-i mezbûrenin ber vech-i mübeyyen cârî ve sâdır olan ikrârını el-mukarru lehü’l-mezbûr bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb ve imlâ olundu. Hurrire fi’l-yevmi’s-sâbi‘ aşer min Cumâdelûlâ li sene erba‘a ve hamsîn ve elf. Şuhûdü’l-hâl: Şaban Halîfe b. Osman el-Müezzin, İslâm b. Mustafa, Ali b. Mehmed, Süleyman b. Mustafa, İbrahim b. Bayram, el-Hâc Ahmed Beşe Çukadâr, Bayram b. ( ) ve gayruhüm