Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 254 Hüküm no: 271 Orijinal metin no: [34a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şahbaz bt. Abdullah’ın, Ali Çelebi b. Mehmed’den muhâlaa yoluyla boşandığı Mahmiye-i İstanbul’da Mehmed Ağa mahallesinde sâkine Şahbaz bt. Abdullah nâm hâtun meclis-i şer‘-i şerîf-i lâzımü’t-teşrîfde zevci bâ‘isü’l-kitâb münâdî Ali Çelebi b. Mehmed mahzarında ikrâr ve takrîr-i kelâm edip zevcim mezbûr Ali Çelebi zimmetinde mütekarrir ve ma‘kūdun-aleyh olan altı yüz akçe mehr-i müeccelimin üç yüz elli akçesi mukābelesinde bir sîm ön kuşak ve bir Manisa alacası ve iki vakıyye keten alıp kabz edip bâkī iki yüz elli akçesi ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre mezbûr Ali Çelebi ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika da‘vâdan her birimiz âharın zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâlis aşer min Cumâdelâhire li sene seb‘a ve seb‘în ve elf. Şuhûdü’l-hâl: Hüseyin Efendi b. Mehmed el-İmâm, Mehmed Çavuş b. Hüseyin, Baba Resul b. Rıdvan, Abdullah Çelebi b. Mehmed.