Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 272 Hüküm no: 314 Orijinal metin no: [57b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri v. Moskona’nın Nikola v. Yani’nin vârisi olduğu iddiasıyla beytülmâl emini Ahmed Çelebi b. Mehmed’in el koyduğu muhallefâtını talep ettiği Vilâyet-i Rumeli’nde Yenişehir kazâsı müzâfâtından Fener nâhiyesine tâbi‘ Farankasta nâm karyede sâkin işbu râfi‘ü’l-kitâb Dimitri v. Moskona v. Harito nâm zimmî meclis-i şer‘-i hatîr-i lâzımü’t-tevkīrde medîne-i Hazret-i Ebâ Eyyûb-i Ensârî -radiye anhu Rabbühü’l-Bârî-’de bi’l-fi‘l beytülmâl-i âmme emîni olan fahrü’l-akrân Ahmed Çelebi b. Mehmed mahzarında üzerine da‘vâ ve takrîr-i kelâm edip bundan akdem medîne-i mezbûrede mürd olan Nikola v. Yani nâm zimmî benim li ebeveyn kız karındaşım İstati bt. Moskona’nın sadrî oğlu olup verâseti zi’r-rahim cihetinden bana münhasıra iken emîn-i merkūm Ahmed Çelebi muhallefâtına vaz‘-ı yed eder suâl olunup yed-i âdiyesi kasr ve izâle olunması matlûbumdur dedikde gıbbe’s-suâl ve akībe’l-inkâr müdde‘î-i mezbûrdan da‘vâsına mutâbık beyyine taleb olundukda karye-i mezbûre sâkinlerinden İstemad v. Todori ve Mavrodi v. Yani nâm zimmîler li ecli’ş-şehâde meclis-i şer‘a hâzırân olup istişhâd olundukda fi’l-hakīka mürd-i mezbûr Nikola müdde‘î-i mezbûr Dimitri’nin li ebeveyn kız karındaşı oğlu olup mürd-i mezbûrun babasının ismi İstemad’dır mezbûr Dimitri ile mersûme İstati li ebeveyn karındaşlardır babalarının adı …?